દિવ્યાંગોને કૃત્રિમ અવયવો તથા સાધન સહાય યોજના ૨૦૨૫

યોજનાનું નામ

• દિવ્યાંગ સાધન સહાય યોજના

ગુજરાત સરકાર દ્વારા દિવ્યાંગોને કૃત્રિમ અવયવો તથા સાધન સહાય યોજના  અમલ માં મૂકવામાં આવી છે જે 40 % ઉપર ના દિવ્યાંગ લોકો ને મળવા પાત્ર થશે.

પાત્રતાના માપદંડ

• ૪૦ ટકા કે તેથી વધુ દિવ્યાંગતા ધરાવતા હોવા જોઇએ.
• આ યોજના હેઠળ નીચે મુજબના પત્રકમાં દર્શાવેલ દિવ્યાંગતાના પ્રકાર મુજબ સાધન મળવાપાત્ર થશે.

દિવ્યાંગતાના પ્રકાર પ્રમાણે સાધનો

ક્રમાંક	દિવ્યાંગતાના પ્રકાર	સાધનનુ નામ (રેડી ટુ યુઝ)	સાધનનુ નામ (ફેબ્રીકેટેડ)
1	અંધત્વ	સ્માર્ટ કેન, સ્માર્ટ ફોન, વિઝયુઅલ ઈમપેરડ કીટ, બ્રેલ કિટ	–
2	મસ્ક્યુલર ડિસ્ટ્રોફી	વ્હીલચેર	કેલિપર્સ
3	શ્રવણ ક્ષતિ	હિયરીંગ એઇડ્સ (BTE) બંન્ને કાન માટે	–
4	ઓછી દ્રષ્ટિ	–	ચશ્મા
5	બૌધ્ધિક અસમર્થતા	TLM કિટ (ઉંમર પ્રમાણે)	–
6	કુષ્ઠરોગ મુક્ત વ્યક્તિ	ADL કિટ, સેલ ફોન	–
7	લોકોમોટર દિવ્યાંગતા	વ્હીલચેર, ટ્રાઇસિકલ, વોકિંગ સ્ટીક, એલ્યુમીનીયમ કાખઘોડી (ઍક્સિલા ક્રચ), એલ્બો ક્રચ	કેલિપર્સ, કૃત્રિમ અંગો
8	સેરેબ્રલ પાલ્સી(અસ્થિ વિષયક)	સી.પી. ચેર, નાની વ્હીલચેર, રોલેટરસ	કેલિપર્સ
9	માનસિક રોગ	TLM કિટ (ઉંમર પ્રમાણે)	–
10	મલ્ટિપલ ડિસએબિલિટી	વ્હીલચેર, ટ્રાઇસિકલ, વોકિંગ સ્ટિક, એલ્યુમીનીયમ કાખઘોડી (ઍક્સિલા ક્રચ), એલ્બો ક્રચ, TLM કિટ (ઉંમર પ્રમાણે)	કેલિપર, કૃત્રિમ અંગો

• ઉપરોક્ત સાધનમાંથી એકથી વધુ સાધન સહાયની મર્યાદામાં મળવાપાત્ર થશે.
• (એકથી વધુ સાધન માટે અરજી કરેલ હોય તેવા કિસ્સામાં સાધન સરકારશ્રી દ્વારા નક્કી કરેલ મર્યાદા મુજબની રકમ પ્રમાણેજ મળવાપાત્ર રહેશે)

નોંધ

• ફોર્મ ભરવા માટે નીચે આપેલ લિન્ક પર જઈ શકો છો અથવા રૂબરૂ જે તે લાગુ પડતી જિલ્લા સમાજ સુરક્ષા કચેરી માં જરૂરી પુરાવા લઈ જઈ ફોર્મ ભરી શકો છો.
• ફોર્મ ભરવાની છેલ્લી તારીખ -05-08-2025 

ઓનલાઇન ફોર્મ ભરવા માટે ની લિન્ક https://esamajkalyan.gujarat.gov.in/index.aspx

રજુ કરવાના ડોક્યુમેન્ટ

• જિલ્લા સિવિલ સર્જનશ્રીનું દિવ્યાંગતાની ટકાવારી દર્શાવતું દિવ્યાંગતા પ્રમાણપત્રની ઝેરોક્ષ / દિવ્યાંગતા ઓળખપત્રની નકલ
• ઉમરનો પુરાવો (શાળા છોડયાનું પ્રમાણપત્ર, જન્મનો દાખલો, મેડિકલ સર્ટિફિકેટ)
• રહેઠાણ નો પુરાવો (રેશન કાર્ડ / વીજળી બિલ / ડ્રાઇવિંગ લાઇસન્સ / આધાર કાર્ડ / ચૂંટણી કાર્ડ)
• પાસપોર્ટ ફોટો