નેશનલ મીન્સ કમ મેરીટ સ્કોલરશીપ (NMMS) પરીક્ષા :2024-25

 Gujarat NMMS Exam 2024: ગુજરાત NMMS પરીક્ષા ધોરણ 8માં અભ્યાસ કરતા વિદ્યાર્થીઓ માટે, રાજ્યમાં નબળી આર્થિક સ્થિતિ ધરાવતાં તેજસ્વી વિદ્યાર્થીઓ ધોરણ-૧૨ સુધી અભ્યાસ પૂર્ણ કરી શકે તથા માધ્યમિક તથા ઉચ્ચતર માધ્યમિક શાળામાં ડ્રોપ આઉટ દર ઘટે તે હેતુથી ધોરણ-૮ માં અભ્યાસ કરતા વિદ્યાર્થીઓ માટે નેશનલ મીન્સ કમ મેરીટ સ્કોલરશીપ (N.M.M.S) નામની યોજના MHRD, NEW DILHI તરફથી અમલમાં મુકવામાં આવેલ છે. રાજ્ય પરીક્ષા બોર્ડ, ગાંધીનગર દ્વારા લાભાર્થી વિદ્યાર્થીઓની પસંદગી કરવા માટે પરીક્ષા આગામી સમયમાં યોજવામાં આવશે.

Gujarat NMMS Exam 2024 Scholarship શું છે

રાજ્યમાં નબળી આર્થિક પરિસ્થિતિ ધરાવતા તેજસ્વી વિદ્યાર્થીઓ ધોરણ-12 સુધી અભ્યાસ કરી શકે અને ડ્રોપ આઉટનો દર ઘટે તે હેતુથી ધોરણ-8 માં અભ્યાસ કરતા વિદ્યાર્થીઓને National Means Cum Merit Scholarship (NMMS) નામની યોજના શિક્ષણ મંત્રાલય દ્વારા અમલમાં મુકવામાં આવેલ છે.જેમાં નિયત ક્વોટામાં મેરીટમાં આવતા વિધ્યાર્થીઓને માસિક રૂ. 1000/- લેખે વાર્ષિક રૂ.12000 /- મુજબ ચાર વર્ષ સુધી વિધ્યાર્થીઓને શિષ્યવૃતિ મળવા પાત્ર થશે. (ગુજરાત નો કુલ ક્વોટા ૫૦૯૭).

સમયપત્રક

GUJARAT NMMS Exam 2024	તારીખ
NMMS જાહેરાત તારીખ	30-12-2024
પરીક્ષા માટે અરજી ફોર્મ ઓનલાઈન સબમિશન	01-01-2025 થી 11-01-2025 સુધી
પરીક્ષા માટેની ફીની તારીખ	01-01-2025 થી 13-01-2025 સુધી
NMMS પરીક્ષાની તારીખ	16-02-2025

Gujarat NMMS સ્કોલરશીપ પાત્રતા

• વિદ્યાર્થી ગુજરાત રાજ્યનો વતની હોવા જોઈએ.
• જે વિદ્યાર્થી સરકારી પ્રાથમિક શાળાઓ, લોકલ બોડી શાળાઓ, જિલ્લા પંચાયતની શાળાઓ, નગરપાલિકાની શાળાઓ, મહાનગરપાલિકાની શાળાઓ અને ગ્રાન્ટેડ પ્રાથમિક શાળાઓમાં ધોરણ-8 માં અભ્યાસ કરતા હોય, તેવા વિદ્યાર્થીઓને આ સ્કોલરશીપ મળવાપાત્ર રહેશે.
• જનરલ કેટેગરી તથા ઓ.બી.સી કેટેગરીના વિદ્યાર્થીએ ધોરણ-7 માં ઓછામાં ઓછા 55% ગુણ કે સમકક્ષ ગ્રેડ મેળવેલ હોવો જોઈએ.
• એસ.સી અને એસ.ટી કેટેગરીના વિદ્યાર્થીએ ધોરણ-7 માં ઓછામાં ઓછા 50% ગુણ કે સમકક્ષ ગ્રેડ મેળવેલ હોવા જોઈએ.
• ખાનગી શાળાઓ, કેન્દ્રીય વિદ્યાલય, જવાહર નવોદય શાળા તથા જે શાળામાં રહેવા, જમવા અને અભ્યાસની સેવા પુરી પાડવામાં આવતી હોય તેવી શાળામાં અભ્યાસ કરતા વિદ્યાર્થીઓ આ સ્કોલરશીપ માટે ફોર્મ ભરી શકશે નહી.

આવક મર્યાદા

• વિદ્યાર્થીનાં વાલીની વાર્ષિક આવક 3,50,000/- કરતા વધુ ના હોવી જોઈએ. અને વિદ્યાર્થીએ સક્ષમ અધિકારીનો દાખલો જોડવાનો રહેશે.

Gujarat NMMS 2024 પરીક્ષા માળખું

કસોટીનો પ્રકાર	પ્રશ્નો	ગુણ	સમય
(૧) MAT બૌધ્ધિક યોગ્યતા કસોટી	90	90	90 મિનીટ
(૨) SAT શૈક્ષણિક યોગ્યતા કસોટી	90	90	90 મિનીટ

જરૂરી ડોક્યુમેન્ટ

• લાભાર્થી વિદ્યાર્થીનાં કુટુંબની વાર્ષિક આવકનાં દાખલાની પ્રમાણિત નકલ.
• વિધાર્થીની ધોરણ-7 ની માર્કશીટ અથવા તેને સમકક્ષ આધાર.
• વિદ્યાર્થીનાં જાતિ અંગેનાં પ્રમાણપત્રની નકલ ( લાગુ પડે તેના માટે)
• વિદ્યાર્થી જો વિકલાંગ હોઈ તો વિકલાંગતાનું પ્રમાણપત્ર ( લાગુ પડે તેના માટે)
• વિદ્યાર્થીનાં વાલીની વાર્ષિક આવક 3,50,000/- કરતા વધુ ના હોવી જોઈએ. અને વિદ્યાર્થીએ સક્ષમ અધિકારીનો દાખલો જોડવાનો રહેશે.
• Child UID (18 Digit) વિધ્યાર્થી જે શાળા માં અભ્યાસ કરતો હોય તે શાળા ના આચાર્ય પાસે થી મેળવવાનો રહેશે.

પરીક્ષા ફી

જનરલ ,EWS,OBC  કેટેગરી ના વિધ્યાર્થીઓ માટે ફી રૂ. ૭૦ /- રહેશે.

SC,ST,દિવ્યાંગ કેટેગરી ના વિધ્યાર્થીઓ માટે ફી રૂ. ૫૦/- રહેશે.

Gujarat NMMS Exam મેરીટ ગણતરી

• General કેટેગરી અને OBC કેટેગરીના વિદ્યાર્થીઓને બંન્ને વિભાગમાં કુલ મળીને 40% ગુણ મેળવવાના રહેશે તથા SC-ST કેટેગરીના વિદ્યાર્થીઓએ બંન્ને વિભાગમાં કુલ મળીને 32% ગુણ મેળવવાના રહેશે.
• ક્વૉલિફાઇંગ ગુણ મેળવનાર વિદ્યાર્થીઓ પૈકી જિલ્લાવાર – કેટેગરીવાર નક્કી થયેલ ક્વૉટા મુજબ મેરીટમાં આવતા વિદ્યાર્થીઓ જ શિષ્યવૃત્તિ માટે પાત્ર ગણવામા આવશે.

Gujarat NMMS Scholarship ફોર્મ કેવી રીતે ભરવું ?

ગુજરાતના તમામ વિદ્યાર્થીઓને આ સ્કોલરશીપ માટે ઓનલાઈન અરજી કરવાની રહેશે. આ સ્કોલરશીપ માટે વિદ્યાર્થી તારીખ: 01-01-2025 થી 11-01-2025 સુધી ઓનલાઈન અરજી કરી શકાશે.

ફોર્મ ભરવા માટે ની લિન્ક

https://sebexam.org